GJENEVË, 9 mars /ATSH-ANSA/ – Zvicra është e gatshme për të pritur një takim të presidentit amerikan, Donald Trump me liderin koreano-verior, Kim Jong-un, deklaroi Departamenti zviceran për Punët e Jashtme, i cituar nga media zvicerane, ATS. ”U takon palëve të vendosin, kur dhe ku t’i zhvillojnë bisedimet”, sipas këtij departamenti.”Zvicra është në kontakt me të gjitha palët, e disponueshme për të marrë pjesë në përpjekjet për paqe”, shtoi ai.Lideri i Koresë së Veriut, Kim Jong Un pritet të zhvillojë një takim me presidentin amerikan, Donald Trump në maj, njoftoi dje në Uashington, Chung Eui Yong, një zyrtar i lartë i Sigurisë i Koresë së Jugut, çka përbën një zhvillim të paprecedentë.
