TIRANË, 6 dhjetor/ATSH/ Kryeministri Edi Rama uroi sot gjithë besimtarët e krishterë për Festën e Shën Kollit.
“Mirëmëngjes, kjo javë nis në një ditë të bekuar, me festën e Shën Kollit ku ju uroj shumë dashuri, shëndet dhe zemrën plot këtë dhjetor”, tha Rama, ndërsa ndau një fotografi nga kisha e Shën Kollit në Hoçisht, Korçë.
6 dhjetori përkon me festën e Shën Nikollit, ipeshkv i shenjtë, të cilin Kisha e përkujton më 6 dhjetor. Shën Nikolli është cilësuar si mbrojtësi i fëmijëve. Ai vdiq më 6 dhjetor të vitit 343.
Shën Nikolli është i njohur edhe jashtë botës së krishterë, pasi mendohet se prej tij nis legjenda e Santa Claus-it, Babagjyshit që sjell dhurata në fshehtësi.
/m.m/a.a/r.e/
