BRUKSEL, 23 shtator /ATSH-DPA/ – Komisioni Evropian njoftoi se ka përfunduar një marrëveshje për blerjen e përbashkët të terapisë me antitrupa monoklonalë për pacientët me COVID-19.
“Tetëmbëdhjetë shtete të BE-së morën pjesë në blerjen e 220 000 trajtimeve të ilaçit të prodhuar nga kompania farmaceutike “Eli Lilly”, tha komisioni.
Ilaçi është për pacientët me COVID-19, të cilët nuk kanë nevojë për oksigjen, por janë në rrezik për të zhvilluar gjendje të rëndë të sëmundjes.
Produkti është një kombinim i dy antitrupave monoklonalë, bamlanivimab dhe etesevimab.
Antitrupat monoklonalë prodhohen në laborator dhe janë krijuar për të neutralizuar virusin pas infektimit me të.
Agjencia Evropiane e Barnave (EMA), aktualisht, është duke shqyrtuar nëse do ta miratojë trajtimin e Eli Lilly-t.
Komisioni Evropian tashmë ka lidhur kontrata për katër terapi të tjera COVID-19./ /ervo/
