MOSKË, 18 maj /ATSH-ANSA/ – Samiti i pritur mes presidentit amerikan, Joe Biden dhe presidentit rus, Vladimir Putin mund të mbahet më 15 qershor, njoftoi gazeta ruse “Kommersant”.
Asgjë nuk dihet me siguri për vendndodhjen, por zëvendësministri i Jashtëm rus, Sergei Ryabkov deklaroi se samiti do të mbahet në një kryeqytet diplomatik europian, me kusht që Moska dhe Uashingtoni të gjejnë ekuilibrin e duhur në formatin e takimit.
Sipas disa zërave, samiti mund të mbahet në Zvicër, ndoshta në Gjenevë.
“Ne nuk kemi më iluzione në lidhje me marrëdhëniet me SHBA-në dhe natyrisht nuk mund të flasim tani për një ristartim”, nënvizoi Ryabkov./ /ec/
