BRUKSEL, 2 mars /ATSH-ANSA/ – Ndryshimet e paraqitura nga Polonia në ligjin që rregullon funksionimin e Këshillit Kombëtar për Gjyqësorin mund të shkelin potencialisht ligjin e BE-së, vlerësoi Gjykata Europiane e Drejtësisë (ECJ).
“Në rast të një shkeljeje të konstatuar, parimi i përparësisë së ligjit të BE-së kërkon që gjykatësi kombëtar të lërë mënjanë këto ndryshime”, specifikoi organi gjykues i BE-së.
“Nën objektivin e Gjykatës së BE-së ka ndryshime që kanë ndodhur në vitet e fundit në metodën e emërimit të gjyqtarëve të Këshillit Kombëtar të Gjyqësorit (KRS) dhe të Gjykatës së Lartë”, shtoi ECJ.
Sipas gjykatësve europianë, ndryshimet e miratuara në Poloni, që kanë për efekt heqjen e rishikimit efikas gjyqësor të vendimeve të KRS, me të cilat kandidatët për funksionet e gjyqtarit në Gjykatën Supreme i paraqiten Presidentit të Republikës, mund të çojnë në mungesë të paraqitjes së pavarësisë ose paanësisë së gjyqtarëve./ /ervo/
