BERLIN, 25 qershor /ATSH-DPA/ – Ministri i Jashtëm gjerman, Heiko Maas deklaroi sot se vendi i tij kishte marrëdhënie mira me Shtetet e Bashkuara të Amerikës, ndërkohë që kritikoi zakonin e presidentit amerikan, Donald Trump për të bërë deklarata në rrjetin social Twitter.
“Për mua, SHBA nuk është një kundërshtar, por partnerja dhe aleatja jonë më e rëndësishme jashtë BE-së”, Maas shkroi në Twitter.
“Amerika është më e madhe sesa Shtëpia e Bardhë. Trumpi nuk e ndryshon dot këtë – ai mund të shkruajë sa të dojë në Twitter”, shtoi Maas.
Ndërkohë, presidenti i Komisionit Europian Jean-Claude Juncker do të takohet sot me Trumpin në Uashington në përpjekje për të shmangur një luftë të plotë tregtare.
Në një intervistë të kohëve të fundit, Trumpi e quajti BE-në “armike” tregtare./ /p.s./ a.jor.
