ATHINË, 29 tetor /ATSH-DPA/ – Greqia urdhëroi sot kufizime shtesë, përfshirë një shtetrrethim nate në qytetin e dytë më të madh të vendit, Selanik, për shkak të rritjes së numrit të rasteve të COVID-19.
Rreth 1,1 milionë banorët në zonën metropolitane të Selanikut tani duhet të mbajnë maska në të gjitha vendet publike, brenda dhe të jashtë, si edhe të qëndrojnë në shtëpitë e tyre midis orës 00:30 dhe 05:00.
Gjithashtu, ndalohen të gjitha tubimet në zona publike dhe private, ndërsa gjykatat, terrenet e lojrave, vendet arkeologjike, muzetë dhe teatrot do të mbyllen.
Restorantet lejohen vetëm të shërbejnë ushqim me vete.
Masat janë pjesë e një planveprimi njëmujor, njoftuar nga kabineti i kryeministrit konservator, Kyriakos Mitsotakis, në një videokonferencë./ /ervo/
