BRUKSEL, 19 mars /ATSH-AFP/ – Komisioni Europian, presidentët e Këshillit, të Parlamentit dhe të Eurogrupit përshëndetën sot planin urgjent të BQE-së kundër pasojave të koronavirusit.
“Ne mbështesim plotësisht BQE-në për vendimet e saj përsa i përket politikës monetare, që ajo e konsideron të nevojshme dhe të duhur për kufizimin e pasojave ekonomiko-sociale shumë të rendësishme dhe negative nga kriza e koronavirusit”, deklaroi një zëdhënës i Komisionit Europian.
Presidenti i Eurogrupit, Mario Centeno përshëndeti vendimin në një mesazh në Twitter duke theksuar se po shqyrtonte mundësitë për intensifikimin e një përgjigjeje politike të përbashkët të BE-së./ /ec/
