STAMBOLL, 14 shkurt /ATSH-AFP/ – Tensionet mes Turqisë dhe Rusisë për çështjen e Sirisë do të shtyjnë Ankaranë t’i afrohet Perëndimit, veçanërisht Uashingtonit, theksoi sot një zyrtar i lartë i Departamentit amerikan të Shtetit.
Pavarësisht një marrëveshjeje paqeje mes Ankarasë dhe Moskës, regjimi sirian ndërmori një ofensivë me mbështetjen e aviacionit rus në provincën e Idlebit, e kontrolluar nga grupet rebele dhe xhihadistët.
Intensifikimi i bombardimeve në Idleb ka rritur tensionet mes Ankarasë, që mbështet grupet rebele dhe Moskës, aleate e presidentit sirian, Bachar al-Assad.
Këto tensione kompromentojnë afrimin që presidenti turk, Recep Tayyip Erdogan dhe ai rus, Vladimir Poutine arritën pas një krize të rëndë diplomatike në 2015 që kulminoi me një bashkëpunim të ngushtë për çështjen siriane pavarësisht interesave të ndryshme.
Ne do të dëshironin ta shikonim Turqinë të afrohej më drejtpërdrejt dhe më qartë me NATO-n, ku Ankaraja është anëtare, me SHBA-në dhe me Perëndimin në reagim të rolit shkatërrues të Rusisë në rajon, veçanërisht në Siri”, deklaroi një zyrtar amerikan./ /ec/
