TIRANË, 4 Nëntor/ATSH/- Punonjësit e bashkisë së Durrësit po punojnë me intensitet për normalizimin e situatës nga reshjet e dendura të shiut.
Që prej orëve të para të mëngjesit i gjithë ekipi i bashkisë së Durrësit është në gatishmëri për përballimin e situatës si pasojë e reshjeve të dendura të shiut, që vazhdojnë që prej mbrëmjes së djeshme.
Kryetarja e bashkisë së Durrësit, Valbona Sako, falënderoi ndërmarrjen për pastrimin e rrugëve, Ujësjellës Kanalizime Durrës dhe zjarrfikëset për largimin e ujit, si dhe policinë për kujdesin e treguar për shkak të në trafikut të autmjeteve.
Moti i keq ka përfshirë sot edhe qytetin e Durrësit, ku deti i trazuar me forcë deri në 7 ballë do të vonojë edhe mbërritjen e trageteve të linjës Bari – Durrës në portin më të madh të vendit tonë./k.s/ /a.g/
