NJU-JORK, 25 shtator /ATSH-DPA/ – Presidenti i Ukrainës, Volodymyr Zelensky e përdori fjalimin e tij të parë në Kombet e Bashkuara për t’u bërë apel liderëve botërorë që të jepnin ndihmën e tyre në atë që ai e përshkruan si lufta e Ukrainës me Rusinë.
“Në një botë të globalizuar nuk ekziston termi “lufta e tjetrit”. Çdo lider ka përgjegjësi jo vetëm për vendin e tij, por edhe për të gjithë botën. Ukraina kërkon ta sigurojë paqen në mënyrë të qytetëruar. Rikthimi i tërë territoreve ukrainase të pushtuara është objektivi im parësor, por jo me koston e jetës së ukrainasve”, – u shpreh ai.
Ndërkohë Rusia mohon çdo përfshirje të drejtpërdrejtë në konfliktin në Ukrainën lindore./ /ervo/r.e/
