VARSHAVË, 2 gusht /ATSH-ANSA/ – Një monument për viktimat polake të nazizmit do të ndërtohet në Berlin.
Angazhimi u mor dje nga ministri i Jashtëm gjerman, Heiko Maas gjatë një ceremonie në Varshavë për 75-vjetorin e fillimit të Luftës së Dytë Botërore dhe të rezistencës polake.
“Më vjen turp, për atë që i është bërë popullit tuaj nga gjermanët”, tha Maas duke u përkulur para memorialit, së bashku me homologun polak Jacek Czaputowicz, në kujtim të 50 000 viktimave të masakrës në Wola.
“Më vjen turp gjithashtu sepse pas luftës u hesht kaq gjatë”, shtoi Maas.
Ishtë hera e parë në 15 vjet që një ministër gjerman merr pjesë në këtë ceremoni.
Kancelari i parë gjerman që kishte vendosur një kurorë përpara monumentit që kujtonte heronjtë e Varshavës kishte qenë Willy Brandt, më 7 dhjetor 1970.
Në 63 ditët e rezistencës polake, e cila filloi në 1 gusht të 1944, rreth 200 000 persona humbën jetën, përfshirë civilë dhe ushtarë dhe gjysmë milioni njerëz u dëbuan nga vendi.
Polonia humbi rreth gjashtë milionë persona gjatë Luftës së Dytë Botërore./ /os/ a.jor.
