BRUKSEL, 8 janar /ATSH-DPA/- Çmimet e konsumit në Maqedoninë e Veriut u rritën me ritmin më të shpejtë në periudhën qershor- dhjetor të vitit 2024, sipas të dhënave paraprake të zyrës së statistikave.
Indeksi i çmimeve të konsumit u rrit me 4,4% në terma vjetore pas një rritjeje prej 4,3% në nëntor. Norma e inflacionit ishte më e larta që nga muaji maj, kur ishte 4,5%.
Rritja më e madhe vjetore u regjistrua në grupin e hoteleve dhe restoranteve ku çmimet u rritën me 12,1%.
Çmimet në grupin e ushqimeve dhe pijeve joalkoolike si dhe ato në segmentin e rekreacionit dhe kulturës ishin mbi 5% më të larta. Rritja më e vogël ishte në kostot e arsimit, me 0,3%.
Çmimet e konsumit u rritën me 0,3% krahasuar me muajin nëntori me 1%.
Në vitin e plotë 2024, inflacioni ishte 3,5% pas një rritjeje prej 9,4% në vitin 2023. Inflacioni ishte më i ulëti që nga viti 2021 me 3,2%.
Inflacioni i çmimeve me pakicë ishte 4,3% në dhjetor dhe 3,8% në vitin 2024. //a.i/
