NJU JORK, 2 qershor /ATSH-DPA-ANSA/ – Të paktën katër persona u vranë dhe 10 të tjerë u plagosën gjatë një të shtëne masive në një ndërtesë mjekësore në Tulsa, Oklahoma, tha policia amerikane.
Autoritetet thanë se autori i armatosur kishte vdekur gjithashtu.
Nuk ishte e qartë nëse ai vdiq pas një vetëvrasjeje të mundshme apo u vra nga policia.
Policia përshkroi një skenë “katastrofike” në poliklinikën ”Natalie”, rreth 10 kilometra në jug të qendrës së qytetit Tulsa.
”Ndërtesa kishte qindra njerëz brenda kur personi i armatosur hapi zjarr”, tha policia, duke shtuar se nuk mund të siguronte një numër përfundimtar të viktimave të plagosur.
Ndërtesa u mbyll pasi oficerët shkuan kati më kat për të evakuuar njerëzit dhe për të konfirmuar se kishte vetëm një hapje zjarri.
Policia nuk ka njoftuar ende motivet e mundshme të të shtënave./ a.jor.
