TIRANË, 5 janar /ATSH/ Kryetarja e Kuvendit, Elisa Spiropali ka përshëndetur sot marrjen e Presidencës së Bashkimit Europian nga Polonia.
Spiropali u shpreh se, “Presidenca Polake e Këshillit të Bashkimit Europian është një momentum i favorshëm për integrimin e vendeve të Ballkanit Perëndimor. Garantimi i shpejtësisë dhe cilësisë së zgjerimit, si prioritet i kësaj Presidence, është në koherencë me punën tonë për avancimin e reformave”.
“Kuvendi i Shqipërisë do të bashkëpunojë me Parlamentin e Polonisë dhe Kryetarin Szymon Hołownia për shkëmbimin e ekperiencave më të mira dhe shpejtimin e ritmeve të anëtarësimit të plotë të Shqipërisë”, shkroi Spiropali në rrjete sociale.
/r.e/
