TIRANË, 1 janar /ATSH/ Qyteti bregdetar i Sarandës është kthyer në një destinacion të dashur festash për qytetarët dhe turistët, në këtë fillimviti. Ditët e pushimit për shkak të festave, por edhe moti i kthjellët dhe me diell, e kanë kthyer qytetin bregdetar një destinacion absolut dhe të preferuar për çdo grupmoshë.
Ministrja e Turizmit dhe Mjedisit, Mirela Kumbaro përmes një videoje të postuar në rrjetet sociale, solli pamje nga qyteti bregdetar, me një dyndje qytetarësh dhe turistësh që kanë mbushur Sarandën këtë ditë të parë të 2025-ës.
Saranda është kthyer jo vetëm në një destinacion turistik gjithëvjetor, por edhe një qendër e harmonisë dhe frymës së festave.
Plazhet e kristalta të detit Jon dhe trashëgimia e pasur kulturore tërheqin çdo vit e më shumë vëmendjen e turistëve të huaj dhe vendasve. /j.p/
