TIRANË, 30 dhjetor/ATSH/ Në Tiranë janë tashmë 6 qendra shëndetësore që ofrojnë shërbim 24/7 për urgjencat pediatrike, për të lehtësuar fluksin në urgjencën e Spitalit Pediatrik pranë Qendrës Spitalore Universitare “Nënë Tereza”.
Ministrja e Shëndetësisë dhe Mbrojtjes Sociale, Albana Koçiu tha në një postim në rrjetet sociale se “këto qendra reduktojnë kohën e pritjes, veçanërisht gjatë fundjavës dhe orëve të natës, duke garantuar kujdes cilësor dhe të shpejtë për fëmijët”.
Koçiu tha se “qendra shëndetësore nr. 1 Tefta Tashko dhe qendra shëndetësore nr. 4 – Siri Kodra janë dy qendra të reja që iu bashkohen qendrave ekzistuese: qendra shëndetësore nr. 10 – Oxhaku, qendra shëndetësore nr. 8 – Sheshi Wilson, qendra shëndetësore nr. 7 – Laprakë, qendra shëndetësore nr. 6 – Kombinat, me ekipe të dedikuara mjekësh dhe infermierësh, qëllimi ynë është të ofrojmë kujdes të pandërprerë për fëmijët tuaj, duke e vendosur shëndetin e tyre si prioritet absolut”.
Me uljen e temperaturave në vend në këto ditë dimri po qarkullojnë një sërë virozash stinore, ku kategoria më e rrezikuar janë fëmijët.
/k.s/j.p/
