PARIS, 26 dhjetor /ATSH/ – Roja bregdetare franceze thotë se ka shpëtuar 107 emigrantë që ishin në vështirësi gjatë kalimit vdekjeprurës të La Manshit, më 25 dhjetor.
Njerëzit u shpëtuan nga tre varka të ndryshme dhe u dërguan në portet e Dunkirk dhe Boulogne-sur-Mer.
Emigrantët shpesh kalojnë La Manshin me varka të vogla me ajër, në përpjekje për të gjetur punë dhe siguri në Britaninë e Madhe.
Megjithatë, për shkak se kalimi është shumë i rrezikshëm dhe se ngushtica përdoret nga shumë anije të mëdha, shumë njerëz humbin jetën në det./ /os/
