TIRANË, 13 dhjetor /ATSH/ Zëvendësministri i Brendshëm, Besfort Lamallari dhe Sekretari i dytë i Përhershëm i Mbretërisë së Bashkuar, Simon Ridley nënshkruan sot një marrëveshje bashkëpunimi.
Në ceremoninë e nënshkrimit ishte i pranishëm edhe ambasadori i Britanisë së Madhe, Nick Abbott.
Në qendër të marrëveshjes është një plan masash konkrete për forcimin e dialogut dhe përpjekjeve të përbashkëta në drejtim të forcimit të sigurisë dhe rendit në të dy vendet tona.
“Ministria e Brendshme, Policia e Shtetit, Ministria e Drejtësisë, Ministria e Financave dhe Ministria e Infrastrukturës dhe Energjisë janë të përkushtuara për fuqizimin e kapaciteteve profesionale dhe teknologjike në përballje me format dhe trendet më të fundit të kërcënimeve ndaj sigurisë”, tha Lamallari në një postim në rrjetet sociale.
/k.s/r.e/a.f/
