STRASBURG, 27 nëntor /ATSH-DPA/ – Parlamenti Evropian mbështeti sot Komisionin e ri Evropian me shumicë votash.
Ekipi prej 26 komisionerësh do të nisë punën më 1 dhjetor nën udhëheqjen e presidentes tashmë të rizgjedhur të Komisionit Evropian, Ursula von der Leyen.
Dhoma legjislative e BE-së konfirmoi komisionin e ri me 370 vota pro, 282 vota kundër dhe 36 abstenime.
Përpara votimit, Von der Leyen tha se përmirësimi i konkurrencës së bllokut do të jetë ndër prioritetet e para të mandatit të saj të dytë.
Komisioni i ri i BE-së ende duhet të miratohet nga shtetet anëtare, por hapi konsiderohet formalitet./ /os/
