ITALI, 25 nëntor /ATSH-DPA/ – Kryeministri izraelit Benjamin Netanyahu mund të përballet me arrestim nëse udhëton në Gjermani, sipas kryediplomates së vendit.
“Qeveria gjermane i bindet ligjit, sepse askush nuk është mbi ligjin”, tha sot ministrja e Jashtme Annalena Baerbock në takimin e ministrave të Jashtëm të G7 në Fiuggi, Itali.
Gjykata Penale Ndërkombëtare (ICC) lëshoi të enjten urdhra arresti për Netanyahun dhe ministrin izraelit të Mbrojtjes të shkarkuar së fundmi, Yoav Gallant për krime të dyshuara lufte dhe krime kundër njerëzimit në Gazë.
Shtetet palë në ICC, ku përfshihet Gjermania, janë të detyruara të ekzekutojnë urdhërarrestet e lëshuara nga gjykata. //a.i/
