PRISHTINË, 15 nëntor/ATSH/- Ditën e sotme ka hyrë në fuqi urdhri në Kosovë për automjetet që duhet të jenë të pajisura me goma dimërore dhe jo verore.
Gomat e dimrit në Kosovës, sipas urdhrit, duhet të mbahen në përdorim deri në datë 15 Mars 2025.
Policia e Kosovës u kishte bërë apel shoferëve që të ndryshojnë gomat e automjeteve për shkak të kushteve të motit në stinën e Dimrit.
“Sigurohuni që gomat e mjetit tuaj janë ndërruar para fillimit të sezonit dimëror, gjithashtu presioni i ajrit të tyre duhet të jetë sipas rekomandimeve të prodhuesit, në temperaturat e ulëta”, ka deklaruar Policia e Kosovës.
Sipas Ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar Agjencinë Telegrafike Shqiptare.
