LONDËR, 3 maj /ATSH-DPA/ – Ish-kryeministri britanik, Boris Johnson u largua nga qendra e votimit, pasi kishte harruar të merrte me vete kartën e identitetit.
Stafi i qendrës së votimit i tha Johnson-it se ”nuk mund të votoni pa provuar identitetin tuaj”.
Johnson u rikthye më vonë për të votuar.
Zgjedhjet e së enjtes përfaqësojnë herën e parë që shumë votues në Angli dhe Uells duhet të paraqesin kartën e identitetit për të votuar, sipas marrëveshjeve të prezantuara për herë të parë në zgjedhjet lokale të vitit të kaluar.
Format e pranueshme të identitetit përfshijnë pasaportën, patentën e drejtimit, distinktivët blu dhe disa karta udhëtimi koncesionare.
Ministri i Veteranëve, Johnny Mercer u ka kërkuar falje atyre që nuk kanë mundur të përdorin kartat e tyre të identitetit të veteranëve për të votuar në zgjedhjet lokale të së enjtes duke u zotuar se do të “bëjmë gjithçka mundemi për ta shtuar atë në listën e ID-ve të vlefshme./ /os/
