PEKIN, 23 prill /ATSH-DPA/- Kina ka hedhur poshtë akuzat për kryerjen e operacioneve të spiunazhit në Gjermani, duke i përshkruar pretendimet si “shpifje”.
“Qëllimi që qëndron pas kësaj zhurme është mjaft i qartë, për të shpifur dhe shtypur Kinën dhe për të minuar atmosferën e bashkëpunimit midis Kinës dhe Evropës”, tha sot një zëdhënës i Ministrisë së Jashtme në Pekin.
“Kina ka respektuar gjithmonë parimet e respektit të ndërsjellë dhe të mosndërhyrjes në punët e brendshme të shteteve të tjera”, tha zëdhënësi.
“Mentaliteti i Luftës së Ftohtë” të Gjermanisë duhet të kapërcehet”, tha ai, duke shtuar se theksimi i të ashtuquajturave rreziqe spiunazhi nuk duhet të keqpërdoret për operacione politike kundër Kinës.
Deklaratat pasojnë arrestimin e një ndihmësi të ligjvënësit gjerman të Parlamentit Evropian, Maximilian Krah, i dyshuar për spiunazh në favor te Kinës.
Personi i identifikuar është Jian G, 43 vjeç, i quajtur nga media gjermane si ndihmës i deputetit të AfD-së dhe kandidatit për zgjedhjet evropiane, Maximilian Krah.
Prokurorët thanë se ai u arrestua në qytetin lindor të Dresdenit. Ata pretendojnë se ai i ka dërguar informacione rreth Parlamentit Evropian shërbimeve sekrete kineze.
Jian G dyshohet gjithashtu se ka spiunuar figurat e opozitës kineze në Gjermani.
Gjithashtu, tre shtetas te tjere gjermane të dyshuar për spiunazh u arrestuan dje në Gjermani.
Ambasada kineze në Berlin i bëri thirrje Gjermanisë që të ndalojë shfrytëzimin e akuzave për spiunazh për të manipuluar politikisht imazhin e Kinës dhe për të shpifur kundër saj”, njoftoi agjencia zyrtare e lajmeve kineze Xinhua dje në mbrëmje. //a.i/
