TIRANË, 16 prill/ATSH/ Investimi në inovacion dhe menaxhimi efektiv i burimeve, përfshirë investimet në kërkim dhe zhvillim, mund të sigurojnë një konkurrencë afatgjatë dhe rritje të produktivitetit.
Një vrojtim gjithëpërfshirës i Sekretariatit të Këshillit të Investimeve me 601 kompani ka nxjerrë në pah gjetje të rëndësishme mbi sfidat e biznesit në lidhje me informalitetin, produktivitetin dhe inovacionin. Sekretariati publikoi gjetjet kryesore ku theksohet se 77% e kompanive po hartojnë strategji për të investuar në rritjen e produktivitetit.
Digjitalizimi po ashtu është identifikuar si një faktor i rëndësishëm për mbarëvajtjen e komunikimit eficient me administratën tatimore dhe përmirësimin e shërbimit ndaj klientit.
Nga ana tjetër inovacioni dhe shpërndarja efikase e burimeve, veçanërisht në kërkim dhe zhvillim, shihen si prioritare për rritjen e konkurrencës së qëndrueshme dhe produktivitetit.
/r.e/
