TIRANË, 11 prill /ATSH/ Baxho Sofjani, e vendosur në Mbrakull të Poliçanit, është një nga pikat e prodhimit të djathit, e cila ruan marrëdhënie të furnizimit me qumësht, me mbi 50 blegtorë të zonës.
Ministrja e Bujqësisë dhe Zhvillimit Rural, Anila Denaj ndau në rrjete sociale rastin e kësaj baxhoje si shembullin më të mirë të bashkëpunimit në sektorin e blegtorisë që nxit zhvillimin e qëndrueshëm të sektorit.
Baxhoja është ndërtuar me mbështetjen e AZHBR-së dhe është një investim bashkëkohor me standarde dhe teknologji të lartë.
Baxho Sofjani prodhon djathë kaçkavall dhe të bardhë, gjizë, salcë dhe të gjitha nënproduktet e qumështit.
/r.e/
