TIRANË, 11 mars/ATSH/ Shërbimi Meteorologjik Ushtarak njofton se këtë të hënë vendi ynë do të ndikohet nga kushte atmosferike të paqëndrueshme si rezultat i kalimit të një fronti të ftohtë atmosferik, i shoqëruar me masa ajrore të lagështa me origjinë veriperëndimore.
Moti parashikohet me vranësira të dendura, të shoqëruara me reshje shiu me intensitet të ulët dhe kryesisht mesatar në formën e shtrëngatave në pjesën më të madhe të territorit për pjesën më të madhe të ditës.
Në orët e mesditës dhe pasdites përgjatë Ultësirës Perëndimore reshjet në periudha afatshkurtra me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër. Në zonën e Alpeve dhe relievet malore në lindje në lartësitë mbi 1000 metër reshje dëbore me intensitet të ulët lokalisht deri mesatar.
Mjegull / mjegullinë për shkak të reshjeve të shiut.
Era do të fryjë me drejtim juglindje-jugperëndim intensive me shpejtësi mesatare 3-12 m/sek, ndërsa përgjatë vijës bregdetare e lugina era tepër intensive me shpejtësi 14-22 m/sek shoqëruar me valëzimin në dete të forcës 6-7 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 11/17 | Re shi |
| Kukës | 10/15 | Re shi |
| Lezhë | 12/16 | Re shi |
| Dibër | 8/15 | Re shi |
| Durrës | 13/21 | Re shi |
| Tiranë | 13/20 | Re shi |
| Elbasan | 10/21 | Re shi |
| Berat | 13/21 | Re shi |
| Vlorë | 10/19 | Re shi |
| Korçë | 5/12 | Re shi |
| Gjirokastër | 6/18 | Re shi |
| Sarandë | 12/19 | Re shi |
