TIRANË, 6 mars /ATSH/ Deputeti i Partisë Socialiste, Plarent Ndreca, njëherësh edhe anëtar i Komisionit për Çështjet Ligjore, Administratën Publike dhe të Drejtat e Njeriut, priti ditën e sotme në takim një grup studentësh të Fakultetit të Drejtësisë, të cilët do të zhvillojnë praktikën studentore në Kuvendin e Shqipërisë, përkatësisht pranë Komisionit për Çështjet Ligjore, Administratën Publike dhe të Drejtat e Njeriut.
Ndreca në këtë bashkëbisedim, i njohu studentët me veprimtarinë e Institucionit, organizimin e punës së Komisionit si dhe raportin që mbahet mes informimit të qytetarëve, transparencës parlamentare dhe konsultimit publik, për shqyrtimin dhe miratimin e projektligjeve.
Po ashtu, Ndreca i ftoi studentët të japin kontributin e tyre në fusha të ndryshme të përgjegjësisë ligjore, nëpërmjet propozimeve të ndryshme që mund të konsiderojnë.
