TIRANË, 29 shkurt/ATSH/ Komisioneri i Bashkimit Evropian për Zgjerimin, Oliver Varhelyi, tha sot se ideja për planin e ri të rritjes është konceptuar në Tiranë.
Gjatë fjalës së tij, në konferencën e përbashkët me Kryeministrin Edi Rama, në përfundim të Samitit Ballkani Perëndimor-BE, Varhelyi, tha se koncepti për planin e rritjes u diskutua pikërisht në Tiranë me kryeministrin Rama dhe udhëheqësit e tjerë të rajonit.
“Mund të ndaj dhe një sekret për ju. Ideja e të gjithë planit të rritjes ka qenë e kryesisht i konceptuar këtu në Tiranë, në diskutimet e mëparshme që kemi pasur me Kryeministrin dhe me udhëheqësit e tjerë të rajonit. Pra nuk është vetëm ide e Komisionit Evropian dhe BE, që ka vendosur që kjo gjë të krijohet dhe realizohet, por ishte ideja e gjithë rajonit”, tha Varhelyi.
