TIRANË, 4 shkurt/ATSH/ Kryetari i Partisë së Lirisë, Ilir Meta propozoi sot heqjen e tatimit 20% në shitje dhe rritjen e tarifave doganore për produktet e importit për të mbështetur prodhimet “Made in Albania”.
Sipas Metës, fermerët ngarkohen me tatimin 20% që në shitje, që është më i larti në rajon dhe në Europë.
“Ndaj prodhimet e importit e kanë fituar garën pa nisur, sepse atje mbështeten fermerët në mënyrë të jashtëzakonshme, ndërsa këtu persekutohen që në nisje. Qeveria nuk ka vullnet të rrisë tarifat doganore për produktet e importit, siç e lejon dhe marrëveshja e Tregtisë së Lirë, sepse kjo është një qeveri që e kemi thënë dhe e theksojmë që nuk ka interes të rrisë dhe të mbështesë prodhuesit dhe prodhimin. Kjo është një qeveri që u shërben oligarkëve dhe importuesve”, u shpreh ai.
/m.m/
