TIRANE, 3 shkurt/ATSH/ Kryetari i Partisë së Lirisë nga Korça u dha mbështetje protestës së fermerëve të Pirgut dhe Maliqit.
“U bë e disata herë, i disati vit që prodhimet e tyre, që mollët e tyre, qepët, patatet e tyre nuk dalin në treg dhe djersa e tyre shkon dëm. Sepse kjo ishte loja e Ballkanit të Hapur. Mbështetja për fermerët dhe prodhuesit në Serbi dhe Maqedoni shumë herë më e madhe, ndërsa në Shqipëri fermerët përballen me persekutime”, tha Meta.
Sipas tij, fermerët ngarkohen me tatim 20% që në shitje, që është më i larti në rajon dhe më i larti në Europë, ndaj prodhimet e importit e kanë fituar garën që pa nisur.
“Qeveria nuk ka vullnet për të rritur tarifat doganore për produktet e importit, siç e lejon dhe marrëveshja për tregtinë e lirë, sepse kjo është një qeveri që nuk ka interes të mbështes prodhuesit dhe prodhimin. Kjo është një qeveri që u shërben oligarkëve dhe importuesve”, tha Meta.
Ai kërkoi të hiqet tatimi 20% në shitje dhe të rriten tarifat doganore për produket e importit për të mbështetur prodhimet “Made in Albania”
