TIRANË, 8 janar /ATSH/ Hotel “Dream’s”, në Gjirokastër, është një tjetër strukturë akomoduese që kategorizohet nga Ministria e Turizmit dhe Mjedisit.
Ministrja e Turizmit dhe Mjedisit, Mirela Kumbaro i dorëzoi certifikatën të zotëve të hotelit që theksoi ajo, “punojnë për të përcjellë më të mirën e mikpritjes gjirokastrite”.
“Me certifikatën e kategorizimit, tashmë do të përfitojnë nga TVSH-ja e ulur në 6%”, tha Kumbaro.
Kumbaro nënvizoi se, “nëse pak vite më parë Gjirokastrës i mungonin turistët, këtë vit, hotelet kanë qenë si “ujët e pakët” në krahasim me bumin e vizitorëve”.
“93% të vizitorëve të Gjirokastrës kanë qenë turistë të huaj gjatë vitit 2023, ku surpriza ishin pa dyshim vizitorët nga Italia dhe Spanja”, theksoi ajo.
