BERLIN, 27 dhjetor /ATSH-DPA/ – Wolfgang Schäuble, ministri i Financave i Gjermanisë gjatë krizës së Eurozonës, ka vdekur në moshën 81-vjeçare.
Schäuble mori detyrën në vitin 2009 dhe u bë një nga figurat më të fuqishme në qeverinë e atëhershme të kancelares Angela Merkel.
Politikat e tij shtrënguese dhe qëndrimi i ashpër ndaj shteteve të Evropës Jugore të zhytur në borxhe i kanë sjellë atij kritika të rënda, por edhe vlerësime të larta.
Ai u emërua më pas president i Bundestagut, Dhoma e Ulët e parlamentit gjerman, një post që e mbajti deri në vitin 2021.
Ai vdiq dje në mbrëmje i rrethuar nga familja e tij./ /os/
