ANKARA, 8 dhjetor /ATSH-AA/ – Azerbajxhani dhe Armenia ranë dakord për lirimin e ndërsjellë të të burgosurve, sipas një deklarate të përbashkët nga të dy vendet, veprim i konsideruar si një hap drejt një marrëveshjeje historike paqeje.
”Republika e Armenisë dhe Republika e Azerbajxhanit ndajnë pikëpamjen se ekziston një shans historik për të arritur një paqe të shumëpritur në rajon”, thuhet në deklaratën e cituar nga agjencia shtetërore azere e lajmeve, AZERTAC.
”Dy vendet rikonfirmojnë synimin e tyre për të normalizuar marrëdhëniet dhe për të arritur traktatin e paqes në bazë të respektimit të parimeve të sovranitetit dhe integritetit territorial”, theksohet në të.
Si pjesë e marrëveshjes së arritur për marrjen e hapave të prekshëm drejt ndërtimit të besimit midis dy vendeve, Azerbajxhani liroi 32 ushtarë armenë në këmbim të dy ushtarëve azerë ”të motivuar nga vlerat e humanizmit dhe si një gjest i vullnetit të mirë”./ a.jor
