TIRANË, 15 nëntor /ATSH/ Prokuroria e Fierit ka dërguar në gjyq mjekun e Spitalit Rajonal Fier për veprën penale “Neglizhencë në trajtimin mjekësor”, pasi nuk ka vepruar në përputhje me protokollin mjekësor në ndjekjen e një pacientjeje, e cila më pas ndërroi jetë.
Prokuroria Pranë Gjykatës së Shkallës së Parë të Juridiksionit të Përgjithshëm Fier, njofoti se, ka përfunduar hetimet dhe ka dërguar për gjykim, procedimin penal në ngarkim të shtetasit S.B., me detyrë mjek pranë urgjencës së Spitalit Rajonal Fier, i akuzuar për veprën penale të “Neglizhencës në trajtimin mjekësor”.
Nga hetimet u provua se, nga i pandehuri S.B nuk ka vepruar në përputhje me protokollin mjekësor, të pranuar për sëmundjen nga e cila vuante shtetasia A.N., dhe se transportimi i pacientes nuk u realizua konform protokollit mjekësor me ekip të specializuar.
Si pasojë e neglizhencës në trajtimin mjekësor, shtetasja A. N ndërroi jetë.
/r.e/
