SAN FRANCISKO, 10 tetor /ATSH/ – Policia e San Franciskos ka qëlluar dhe vrarë një burrë që përplasi dje makinën e tij në konsullatën kineze, sipas BBC.
Një deklaratë e policisë tha se burri i paidentifikuar u qëllua pasi oficerët mbërritën në vendngjarje.
Pamjet në internet treguan një makinë ”Honda” blu në holl dhe dhjetëra njerëz që po largoheshin nga ndërtesa e konsullatës.
Një deklaratë e konsullatës dënoi incidentin, duke shtuar se ai përbënte një “kërcënim serioz” për sigurinë e stafit të saj dhe njerëzve të tjerë në vendngjarje.
”Ne e dënojmë fuqishëm këtë sulm të dhunshëm dhe rezervojmë të drejtën për të ndjekur përgjegjësinë për incidentin”, tha ajo.
Ministria e Jashtme e Kinës ka akuzuar individin e paidentifikuar se ka hyrë në konsullatë për të lënduar njerëzit brenda zyrës.
Policia tha se një hetim i hapur dhe aktiv ishte duke u zhvilluar, por nuk ka zbuluar shumë informacione.
Policia thotë se është ende duke u përpjekur për të përcaktuar saktësisht se sa persona ndodheshin në zyrë në momentin e ngjarjes.
Fotot nga konsullata menjëherë pasi makina u fut në ndërtesë, tregojnë një prani të madhe të policisë me ndërtesë.
Nuk raportohet për të lënduar nga brenda konsullatës.
San Francisko do të presë Bashkëpunimin Ekonomik Azi-Paqësor muajin e ardhshëm me presidentin kinez Xi Jinping që pritet të marrë pjesë./ a.jor.
