TIRANË, 6 shtator/ATSH/ Samiti i 8-të Global i Partneritetit për Qeverisje të Hapur nisi sot punimet dyditore. Samiti po mbahet në Talin, kryeqyteti i Estonisë.
Shqipëria përfaqësohet në këtë samit nga ministrja e Shtetit për Standardet e Shërbimeve, Milva Ekonomi.
Samiti Global i OGP ofron një mundësi për përfaqësuesit e vendeve të ndryshme, shoqërisë civile dhe palëve të tjera të interesit që të shkëmbejnë përvojat, praktikat më të mira dhe përparimin në iniciativat dhe zbatimin e qeverisë së hapur.
Programi i Samitit do të kontribuojë në përparimin e qëllimeve dhe temave si antikorrupsion, qeverisje digjitale, klima dhe mjedisi, drejtësia e hapur, pjesëmarrja publike dhe hapësira qytetare, qëndrueshmëri demokratike.
/r.e/
