TIRANË, 3 gusht /ATSH/ Autoriteti Kombëtar i Ushqimit bëri të ditur se ka kryer në shkallë vendi 2003 inspektime në subjekte të ndryshme tregtare gjatë javës 24-30 korrik.
Sipas AKU-së, 1463 inspektime janë kryer në pikat e kalimit kufitar dhe 540 kontrolle janë kryer në terren.
Nga kontrollet e kryera, janë bllokuar 2189 kg produkte ushqimore dhe asgjësuar 45 kg, pasi kanë rezultuar jashtë standardeve për konsum.
Për shkeljet e konstatuara AKU ka dhënë 14 masa administrative gjobë, me vlerë totale 2 600 000 lekë dhe ka dhë 84 paralajmërime për respektimin e standardeve.
AKU i bëri apel subjekteve të respektojnë standardet dhe rregullat e sigurisë ushqimore, teksa njoftoi se kontrollet janë intensifikuar në çdo drejtim për garantimin e shëndetit të konsumatorëve.
/r.e/
