TIRANË, 24 maj/ATSH/ Shërbimi Meteorologjik Ushtarak bëri të ditur se për ditën e enjte vendi ynë do të ndikohet nga masa ajrore të lagështa të cilat do të sjellin mot relativisht të paqëndrueshëm.
Moti parashikohet me alternime kthjellimesh e vranësirash mesatare deri të dendura kryesisht pas orëve të mesditës përgjatë relieveve kodrinore-malore.
Vranësirat do të shoqërohen me reshje shiu me intensitet të ulët në pjesën më të madhe të vendit ndërsa përgjatë relieveve kodrinore-malore, në lindje dhe jug të vendit reshjet priten në formën e shtrëngatave të izoluara dhe rrebesheve të vrullshme në intervale të shkurtra kohore
Era do të fryjë me drejtim jugperëndim-veriperëndim me shpejtësi mesatare deri 8m/sek, përgjatë bregdetit fiton shpejtësi deri në 10m/s. Valëzimi në dete do të jetë i forcës nga 1 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 14/27 | Diell re shi |
| Kukës | 13/23 | Diell re shi |
| Lezhë | 14/26 | Diell re |
| Dibër | 12/22 | Diell re shi |
| Durrës | 15/27 | Diell re |
| Tiranë | 16/26 | Diell re shi |
| Elbasan | 14/26 | Diell re shi |
| Berat | 13/26 | Diell re shi |
| Vlorë | 14/25 | Diell re shi |
| Korçë | 11/19 | Diell re shi |
| Gjirokastër | 10/24 | Diell re shi |
| Sarandë | 15/26 | Diell re shi |
