TIRANË, 14 maj /ATSH/ Në qytetin e Shkodrës po vijon normalisht procesi i votimit, ku kanë ngelur dhe më pak se 60 minuta nga përfundimi.
Në garë për këtë bashki janë Bardh Spahia i koalicionit “Bashkë Fitojmë” dhe Benet Beci kandidati i Partisë Socialiste.
Fotoreporteri i ATSH-së, Florian Abazaj solli pamje nga ky proces në disa nga qendrat e votimit në Shkodër.
Sipas të dhënave të publikuara në faqen zyrtare të KQZ-së, pjesëmarrje në votim në Shkodër deri në orën 16.00 është 29.53% ku kanë raportuar 134 qendra votimi nga 247 në total.
