TIRANË, 19 prill/ATSH/ Në çdo qytet të vendit vijon mbjellja e pemëve të siguruara nga fondi zgjedhor i Partisë Socialiste.
Kryeministri Edi Rama ndau sot në rrjetet sociale momente nga mbjellja e pemëve në disa bashki të vendit.
“Vijon mbjellja e pemëve që po dhurojmë në çdo bashki, nga shkurtimi i shpenzimeve elektorale”, shkroi Rama.
Partia Socialiste hapi në 11 prill fushatën për zgjedhjet e 14 majit dhe një pjesë e fondeve të akorduara nga KQZ për zgjedhjet po shkojnë për mbjelljen e pemëve. Me mbjelljen e pemëve do të ketë më shumë gjelbërim në qytetet e vendit.
/k.s/ /gj.m/
