TIRANË, 13 mars/ATSH/ Ministrja e Financave dhe Ekonomisë, Delina Ibrahimaj deklaroi sot se, taksa e jashtëzakonshme për kompanitë e prodhimit të energjisë do të mblidhet në fund të muajit mars.
Në një prononcim për mediet, pas mbledhjes së Këshillit të Ministrave, Ibrahimaj u shpreh se, në prill do të vendoset dhe skema e rishpërndarjes për kategoritë në nevojë dhe pensionistët.
Ministrja po ashtu paralajmëroi edhe një reformë në sistemin e pagave dhe shpërblimeve në vendin tonë, pasi si u shpreh ajo, “kemi arritur në stadin ekonomik, ku Shqipëria nuk mund të jetë konkurrente për paga të ulëta, por për know-how dhe specializimin”.
/gj.m/r.e/
