TIRANË, 9 mars/ATSH/ Inspektorati Kombëtar i Mbrojtjes së Territorit do të prishë njëmbëdhjetë objekte të ndërtuara në gjurmën ku do të ndërtohet Unaza e Madhe e Tiranës.
Sipas IKMT-së, katër objekte janë në segmentin Bregu Lumit-Sheshi Shqiponja, ndërkohë që shtatë objektet e tjerë janë në segmentin rrugor në njësinë bashkiake nr. 4.
IKMT bën të ditur se pronarët e këtyre objekteve janë shpronësuar. Shpronësimet i përkasin segmentit Sheshi Shqiponja-Bulevardi i Ri Tiranë.
/r.e/
