BERLIN, 5 shkurt /ATSH-DPA/ – BE-ja duhet të qëndrojë e bashkuar me Uashingtonin pasi një balonë kineze u zbulua mbi hapësirën ajrore të SHBA-së, tha kreu i Partisë Popullore Evropiane në Bruksel, Manfred Weber për “Funke Mediengruppe”.
Weber shtoi se aktivitetet e reja të dukshme të spiunazhit të Kinës kundër SHBA-së janë shkaku i shqetësimeve të bllokut.
Sjellja e udhëheqjes kineze ndaj shteteve perëndimore po bëhet qartësisht më agresive.
“Bota e lirë” tani duhet të bashkojë forcat”, tha politikani gjerman i qendrës së djathtë.
“Një aleancë e ngushtë midis SHBA-së dhe BE-së, si dhe aleatëve të tjerë është e domosdoshme”, theksoi Weber.
Ushtria amerikane rrëzoi dje një balonë kineze të spiunimit, e cila ka fluturuar mbi SHBA-në për ditë të tëra.
Uashingtoni akuzoi Pekinin për përdorimin e balonës së spiunimit, ndërsa Kina tha se ishte një balonë kërkimore civile që kishte dalë nga kursi dhe se rrëzimi i saj ishte një “reagim i tepruar”. //a.i/.
