TIRANË, 16 dhjetor /ATSH/ Kryeministri Edi Rama ndau sot pamje në rrjetet sociale nga punimet në mbikalimin e Paskuqanit, pjesë e Unazës së Madhe të Tiranës.
Kreu i qeverisë u shpreh se, “një nga hyrjet kryesore në kryeqytet po merr formën e duhur për të ardhmen”.
Zëvendëskryeministrja, njëherësh ministre e Infrastrukturës dhe Energjisë, Belinda Balluku inspektoi dje punimet në mbikalimin e Paskuqanit, pjesë e segmentit sheshi “Shqiponja” – Bulevardi i Ri, loti 2.
Balluku tha se “mbi 20% e volumeve janë realizuar për momentin dhe vijon puna për pjesën tjetër”.
Projekti i Unazës së Madhe të Tiranës është një investim ambicioz që i jep zgjidhje fluksit të qarkullimit dhe ndikon në zhvillimin ekonomik dhe social të gjithë zonës ku kalon.
Unaza e Madhe e kryeqytetit përbën një segment prej 27 kilometrash të gjatë. Përfundimi i saj në vitin 2023 lehtëson trafikun brenda Tiranës, ndërsa e lidh kryeqytetin me të gjitha rrugët dalëse kombëtare.
/r.e/
