TIRANË, 23 nëntor /ATSH/ Në drejtimin e dy bashkëkryetarëve, Jorida Tabaku dhe Taulant Balla, Komisioni i Posaçëm Parlamentar për rolin e Kuvendit në procesin e integrimit, zhvilloi mbledhjen e radhës, ku u diskutua mbi sugjerimet e ekspertëve lokalë për ndryshimin e ligjit.
Të ftuar ishin ekspertët e jashtëm pranë këtij komisioni Fjoralba Caka, Jonida Rustemaj, Ilda Zhulali dhe Indrit Vokshi.
Gjatë diskutimeve, u fol mbi pozicionin vendimmarrës në procesin e negociatave, vetot bllokuese, status QUO dhe zgjerimin e kompetencave të KKIE.
Po ashtu, u diskutua mbi raportimet periodike nga Kryenegociatori për ecurinë e procesit të negociatave (çdo 3/6 muaj), zbatimin e detyrimeve për mbylljen e grupit të kapitujve të negociatave (closingbenchmarks), zbatimin e detyrimeve të ndërmjetme për avancimin e negociatave (interimbenchmarks) etj.
Anëtarët e komisionit, falënderuan ekspertët për prezantimet e tyre, por edhe për punimet cilësore të cilat, sipas tyre, kanë një vlerë të shtuar në rolin e procesit të integrimit të Shqipërisë në BE.
/j.p/r.e/
