TIRANË, 9 nëntor/ATSH – I. Vata/ Dritan Cani paraqiti sot kandidaturën në primaret e PD-së për bashkinë e Belshit.
Cani premtoi në deklaratën e paraqitjes së kandidimit, se do ua kthejë institucionin qytetarëve dhe do ta mbështesë Belshin me projekte të prekshme për turizmin.
“Kam vendosur të kandidoj për Belshin, duke marrë përgjegjësinë, e duke e parë politikën, jo si një mjet për të përfituar, por si një mundësi për të ndryshuar realitetin. Belshi, kjo zonë e njerëzve punëtorë dhe të ndershëm, po shpopullohet. Ndaj është detyra jonë, që këtë zonë me një pozitë gjeografike të mrekullueshme, ta mbështesim me projekte të prekshme për turizmin dhe bujqësinë. Me arrogancë, bashkia Belsh është transformuar në pronë private. T’ia kthejmë institucionin qytetarëve”, u shpreh ai.
/j.p/r.e/
