TIRANË, 31 tetor/ATSH-Maela Marini/ Kryeministri Edi Rama ftoi sot fermerët të pajisen me NIPT, si mënyra e vetme për të përfituat nga skemat e mbështetjes në bujqësi.
Në një takim me fermerët e Mollasit në Ersekë, Rama solli shembullin e përfitimit të naftës falas për fermerët e pajisur me NIPT.
“Ne kemi ende shumë fermerë që nuk e marrin NIPT-in se u tremben taksave apo detyrimeve. Por në rast se nuk je i pajisur me NIPT nuk merr asnjë lloj mbështetje. BE shkon më tej dhe në rast se nuk disponohen titujt e pasurisë nuk të jep mbështetje. Por NIPT-i është i rëndësishëm dhe i dobishëm, se u ka dhënë naftën falas një pjese të konsiderueshme të fermerëve”, tha ai.
Kryeministri theksoi se “në këtë zonë janë rreth 35% e NIPT-eve që zotërohen nga gratë”.
“Gratë janë angazhuar së tepërmi për të bërë projekte dhe për të përfituar edhe nga fondet e mbështetjes. Kjo është fantastike dhe ne duam të vazhdojmë ta mbështesim këtë zonë”, tha ai.
/r.e/
