TIRANË, 15 tetor /ATSH/ Ministri i Drejtësisë, Ulsi Manja mori pjesë në takimin periodik të analizës së punës për Drejtorinë e Përgjithshme të Shërbimit të Provës.
Manja u shpreh së në takim u diskutua mbi problematikat që has ky institucion dhe u vendosën objektivat në vazhdim.
“Ristrukturimi i kësaj strukture, përmirësimi i akteve ligjore, digjitalizimi i proceseve dhe forcimi i bashkëpunimit ndërinstitucional dhe kombëtar ishin disa nga piketat e këtij takimi”, tha Manja.
“Vizioni ynë është një sistem i unifikuar i Shërbimit të Provës, proaktiv dhe inovativ. Pa as më të voglin tolerim, kërkova përgjegjësi maksimale nga të gjithë punonjësit në rradhët e këtij institucion”, theksoi Manja në një postim në rrjetet sociale.
