TIRANË, 11 tetor /ATSH/ Ambasadorja e Shteteve të Bashkuara të Amerikës në Shqipëri, Yuri Kim u shpreh sot se, SHBA janë në dijeni për përpjekjet për të joshur ose frikësuar gjyqtarët dhe prokurorët.
“Jemi në dijeni të më shumë përpjekjeve për të joshur apo frikësuar gjyqtarët dhe prokurorët, për të shtrembëruar drejtësinë, për të këmbëngulur në pandëshkueshmërinë për të fuqishmit – dmth, për të zvarritur Shqipërinë pas në të kaluarën…”, theksoi Kim në një postim në rrjetet sociale.
“Gjyqtarët dhe prokurorët duhet të përmbushin detyrat e tyre në përputhje me ligjin, me integritet. Është koha të thyejmë zakonet e vjetra të korrupsionit dhe ndikimit të paligjshëm në sistemin gjyqësor”, u shpreh Kim.
“Shqipëria Shqipëria duhet të ecë përpara, jo prapa, as të qëndrojë në një vend”, theksoi Kim.
“Shtetet e Bashkuara po i ndjekin nga afër të gjitha zhvillimet dhe do të vazhdojnë të mbështesin me forcë zbatimin e reformës në drejtësi”, nënvizoi Kim.
/j.p/r.e/
